Обезбедувач на „Казино ројал“ во центарот на Скопје на улица Мирче Ацев, е претепан од двајца непознати напаѓачи кои ноќеска половина час по полноќ му пришле и со палка го нападнале додека стоел во близина на коцкарницата.

Напаѓачите со палка го удирале обезбедувачот по глава, десната рака и десниот дел од телото. Откако го совладале и кутнале на земја, двајцата напаѓачи избегале од местото на инцидентот.  Полицијата зела исказ од нападнатиот. Во тек е истрага за откривање на напаѓачите и на нивните мотиви за нападот врз обезбедувач на коцкарница.