Повеќе од 100 политичари, 900 вработени во МВР, 850 во АРМ, 5056 студенти, 514 бизнисмени, 494 припадници на докторска фела, 86 новинари, 18 свештеници и оџи се изјасниле дека се хомосексуалци во анкетата што ја спроведе невладината организација “Хоризонт“.

Според процената на претставниците на “Хоризонт“ дури 10 отсто од населението во Македонија, односно околу 200.000 лица, се хомосексуалци. Невладината организација, вчера ги презентираше резултатите добиени по шестмесечното истражување спроведено врз 12.000 испитаници, од кои 9.540 по сопствена волја и без паричен надомест по сопствена волја го практикувале хомосексуализмот, а 2.460 наплаќале од 100- 6.000 денари за услугите.

Од вкупниот број анкетирани 7.198 се изјасниле како бисексуалци, а останатите како геј. Според “Хоризонт“ 30 волонтери од кои 18 хомосексуалци и 12 бисексулци со 8.500 испитаници разговарале во живо, а останатите 3.500 ги интервјуирале преку интернет анкета.