Скопје и Брисел пристапниот дијалог на високо ниво ќе го започнат на пролет, ова им го најавил еврокомесарот за проширување Штефан Фуле на министерот Попоски и вицепремиерката Теута Арифи. На заедничката средба Фуле на македонските политичари им рекол дека дијалогот нема да се пролонгира затоа што Европската Комисија повеќе пати тоа го препорача.

Филе изјави дека пристапниот дијалог ќе ја засили соработката на унијата со земјата во однос на следењето на напредокот во клучните области, меѓу кои ги наведе слободата на изразување, реформата на јавната администрација, изборниот процес и борбата против корупцијата.

Пристапниот дијалог меѓу Македонија и Европската Унија се смета за чекор напред во евроинтеграциите на земјава и исто така значат припрема за официјалните преговори со унијата.

Попоски и Арифи за време на посетата во Брисел се сретнаа и со известувачот за Македонија во Европскиот Парламент Ричард Ховит.