Денеска е меѓународен ден за паметење на Холокаустот. Денот ќе биде одбележан низ целиот свет, а целта е да не се заборават страдањата нанесени од Хитлеровата Нацистичка Германија, за никогаш да не се повторат.  Кај нас, денот ќе биде одбележан со изложбата „Холокауст-зачувување на сеќавањето“.  Но додека светот се сеќава на злосторствата од Хитлеровата ера, поразителни вести пристигаат пред се од Германија. Независна анкета покажува дека една петтина од младите Германци незнаат дека Аушвиц бил логор на смртта. Дополнителна поразителна вест е дека кај дури 20 проценти од германското население, се уште постои антисемитизам.  Пред 67 години на денешен ден, советската Црвена Армија го ослободи логорот Аушвиц, најзлогласниот нацистички логор во втората Светска војна.