Најмалку 28 лица загинаа, а околу 50 се повредени денеска при експлозија на автомобил-бомба за време на погребна церемонија во источниот дел на Багдад, јавија локалните власти. Експлозијата одекна во квартот Зафранија, додека на улицата која води кон гробиштата, минувала погребна поворка на трјца членови на семејството Ал Малики, кои претходниот ден беа убиени во напад во западниот дел на ирачкиот главен град.  Извор од Министерството за внатрешни работи изјави дека експлозивот во автомобилот-бомба го активирал бомбаш-самоубиец.

Нивото на насилства во Ирак е намален во однос на најлошиот период од 2006 до 2007 година, иако се уште има секојдневни напади.  Над 200 лица се убиени откако американските воени сили на 18 декември се повлекоа од земјата.