Amen sem sal jek kotor taro Romano proceso, amenge si em but importantno amare bukaja, programaja thaj kvalitetno prezentacija amare ekipaja te ova diferentna javerendar. Te ova amare kho amaro nivelo, glaso e Romengo ki antrego luma.

Amari buti thavdinga kho 17. maj. 1994 bersh, sar jekhto televizija e Romengi ki Republika Makedonija, Evropa thaj ki Luma. Keraja sar Radio-difuzno kompanija, locirimi-thanarimi ki komuna Shuto Orizari sar jekhutni Romani komuna khi Luma. Sar Romano mediumi 80% tari amari programa i Televizija Shutel mukhela khi Romani chib. O fundamentalno koncepti e Televizijakoro si te ovel informativno centro so ka promovirina thaj informirina pal i kultura o civilno progresi, o bajraripe e Romane minoritetskoro ki Evropa thaj ki Luma.

Das amendar bari zor amari programa te ovel dikhutni pal sa e manushengere bersha, taro majterne dji e majphure. Keren tumenge relakso amare programa.

O TV Shutel Web sile ciljo te ovel tumaro kvalitetno lumjako glaso. Prekal o prezentacie le iniformciengo tari antrego luma phanle le Romane minoriteteja, kha ashunen thaj dikhen ki Romani thja Anglikani chib. Ka phirava tumaro vilo em but egzoticno mzikaja, giljajbaja, folkloreja tare sa e riga e lumjakere kote so djivdinene amare Roma. Bichalen tumare spotija.

Prekal amaro mediumi sar glaso le Romengo si bah le intelektualcon save kamen te vorbin pal o manushikano cacipe, diskriminacija, stereotipija thaj antiromanizam pravdikane bizi cenzura. Adalesko si maro ciljo amari lumjaki Romani Televizija-Shutel, te ovel amaro baro kher-than kote si pravdo o vudara 24 arija, nos - stop ko shukaripe thaj ko bilachipe. Ma bistren!

Pakivale Romalen save kerena tumaro bizniso thaj bi Roma, reslja bahtali shansa but tikne lovenmcar pal tumaro bizniso te djanen miljiona Roma thaj bi Roma tari antrego luma. Keren tumaro kontakti amencar palo tumaro bizniso. Jekha jekh (barabar) ka arakha e mashukar riga pal tumari reklama so ka dikhenla antrego luma. Agukeras tumen!

Ko agor amari redakcija but pakala kaj ka losankheren amen tumare kontaktencar, bichalen tumare komentarura, so kamen thaj so trubul panda pe amari programa.

Ma bistren amen.

Taro kolegiumi e Romane televizijakoro Shutel

Lumajako glaso le Romengo
Devloresa.