Pobut taro 100 političaria, 900 bukjarne ki policia, 850 ko ARM, 5065 studentia,514 biznismenia, 494 preperutne ki doktorsko fela, 86 žurnalistia, 18 sveštenikia thaj odže deklariringje pe sar homoseksualcia ki anketa so kergja i biradžakiri organizacia „Horizont“.

Prekal o dikhiba ko džene taro „Horizont“ paše 10 procentia taro dizutne ki Makedonia jali paše 200.000 manuša si homoseksualcia. E biradžakiri organizacia erati prezentiringja o rezultatia soresle palo šov masekongoro rodaripa upral 12.000 anketirime kote 9.540 pe mangipaja thaj bilovengoro praktikujnen homoskesualno aktia, 2.460pukjunen taro 100 dži ko 6.000 denaria.

Taro anketirime 7.198 vakergje kaj si biseksualcia a o javer sar gej. Aso o „Horizonti“ 30 volonteria kote 18 si homoseksualcia thaj 12 biseksualcia e 8.500 anketirime kergje lafi tet a tet a ejavere 3.500 prekal internet anketa.