O Skopje thaj o Brisel o pristapnno dijalog ko baro nivelo ka startuinen le angleder o nilaj, akava notiringjaolengje  o eurokomesari basho buvljariba Shtefan Fule e ministereske o Popovski thaj I vicepremierka Teuta Arifi. Ko jekhutno dikhiba o Fule e makedonikane politicarengje vakergja kaj o dijalog  nane te prolongirinelpes sebepi so I Europakeri komisija pobuter droma odova vakergjale.
O Fule vakergja kaj o pristapno dijalog ka zojrakerel o butikeriba e uniaja e phuvjencar ko dikhiba e anglunipaske ko klucno oblastija, maskar kola vakergjalen o tromalipe basho vakeriba, I reforma ki javno administracija, o alusaribaskoro procesi tahj o mariba mujal I korupcija.

O pristapno dijalog maskar Makedonija thaj I Europakeri unija genavelpe basho anglunipe ko eurointegracie e phuvjake thaj samalelpe spremiba basho oficijalno pregovojra e uniaja.

O Popovski thaj I Arifi ko vakti ki vizita ko Brisel arakhlepe thaj e izvestuvaceja bashi Makedonija ko Europakoro Parlamenti Ricard Hovit.