Prep o vakerina kaj rodel buti, basho napherdo masek, ko agor taro dekemvri ko nakhlo  thaj ko avgo akava masek taro akava bersh, bahtakergja te “lokhjarel” 10 privatno konfekcie, numa ko serijali phare coriba, o Shtipjanco G.S khugja ko pobuter taro 10 khera taro komshie. Odothar corgja tehnicko bukja. O corde bukja, sar cd pleerja, lap top kompjutejra, mobilno telefonja, kherutne audijo thaj video sistemija , sar alatija basho keriba buti thaj odma bikinisinelen.

O cor, kova aso I policija nasine dji akana ko spisako ko pendjarde kriminalcija, kerel sine buti korkori. Khuvel sine thaj ko themakere institucie, sar o Shtipjakoro centari basho butikeriba.

O rodljariba taro 16 phare coriba, I Shtiposko policija agorkergjala erati, kana palo angluno operativno djanlipa taro tereni, bahtakergje te astarile  ko than , sar corela ko kher ko centari tari diz, te astarel that e privedinel 32 bershengoro razbojniko.

O moldija taro corde bukja  djiperde ka dikhen pe , tahj taro kompletiriba e dokazno materijaleske  mujal o razbojniko ka ovel dendo doshperavibaskoro akti.