I amerikansko kompania “Amerikan ekspres” dela eftadivesengoro angažmani ko Mediterani ko brodi “Kosta Konkordia” so toningja angleder duj kurke.

I ponuda sine kerdi anglal te potoninel numa o problemi si so palo odova ni jekh na dengja pe godi te otkazinel akcentirinen I kompanija havljarel I gazeta “Dejli mejl”. I kompania “Amerikan Ekspres” dela sine eftadivesengoro pajdžalipa ko Mediterani e “Kosta Konkordijaja” salde bašo 749 dolaria trujal so o turistikano brdoi anglal duj kurke nasukingja pe ki Toskana Italia.

I italijansko firma Kosta Kruizes so si gazda e brodeske Kosta Konkordia dela e dromarutnenge sar kompenzacia taro 11.000 eura

Akava avela palo lafikerdo maškar I kompania thaj o organizacie taro italiankso klientela.

I firma dengja bahani te iranen pe thaj o love so si dende ko dromaribva thaj te pukjinen sa o medicinsko thaj dromarutne borčia.

O dromarutne thaj o ekipaži isi len niami te keren adalateskoro akti dži kote nane čale taro akava.

Ki bibaht so uli ko 13 akava masek kote mule 16 dromarutne, dži kote panda odokhar lewganern pe sar našavde. Ko brodi sine upreder 4000 manuša.

Majhari 28 džene mule a paše 50 ratvarde avdive ki eksplozia e vordon bombake ko vakti tari dženaza ko utaralo kotor taro Bagdad havljargje o lokalno radžvipa. Eksplozia sine ko kvarti Zafrania kote ko droma so legarel sine premal o limoria nakhela sine dženaza taro trin džene ki familia Al Maliki so sine angleder jekh dive mudarde ko atako ko paščimalo kotor ki iračko šerutni diz. O ministeriumi bašo andrune bukja vakergja kaj o eksplozivi ko vordon bomba sine aktivirime taro bombaši korkoro mudarutno.

O nivelo taro teroria ko Irak si tikjnardo ko vjavahari e majbilačhe periodeske taro 2006 thaj 2007 berš trujal so isi panda sako dive atakia. Upreder 200 manuša si mudarde kana o ameriksnko askeria ko 18 dekemvri gele peske tari them.

Trin manuša mule a 6 si ratvarde palo peraviba trin bare bine ko centar taro Rio De Žaneiro havlajren e lumniakere agencie. O ekipe kurtalibaske džukelencar taro javinate rodema e 16 manušen so panda legaren pae sar našavde 12 saatia palo periba e bare binenge. Duj biznis bare bine arakhen pe ko pašipa e Komunakere centareske ko ploštadi “Sinelandia” ko utar e dizjake Rio.

Akanaske nane pendžarde o karane soske pele o bare bine. Premal okola so dikhlke sine eksplozia a e dizjakoro šerutno vakergja kaj kerel pe lafi šaj em e konstrukcisko problemenge.

Majhari 14 džene mule a pobuter taro 70 ratavrde ko avdisutni seria bombaško atakia taro vordona bombe ko Bagdad. O atakia kergja pe ko reonia kote isi šiitia. Ko avgo atako mule 8 a 21 ratvarde. O vordon bomba eksplodiringja ko pašipa tari jekh grupa bukjjarne so udžaren sine te oven lende ki buti ko Sadr Siti. Ko odova reoni ko utar purabalo kotor taro Bagdad, nekobor minutia palo odova sine dujto atako ko pašipa tari jekh slatkarnica kote mule 3 a 26 ratvarde. Duj sikle sine mudarde a 16 ratvarde ki eksplozia taro vordon bomba ko pašipa e gimnazijake ko kvarti Šula utarnord kotor e šerutne dizjake taro Irak. O štarto atako sine ko kvarti Hurija.

Vordon bomba eksplodiringja ko drom pherdo dukjanencar kote mulo 1 a ratvarde sine 13 džene. O teroria ko Irak tikjnargje pe paralelaja taro 2006 thaj 2007 berš kana o mariba maškar o sunitia thaj šiitia sine majzoralo. O buntovnikia thaj o askeri kerena sakodiveseskere atakia thaj mudaripa te šaj te peraven o govermeni.

E turkiakoro premieri Redžep Taip Erdogan vakergja kaj o kanoni so angja o francusko Senati kote globinel pe o negiriba taro genocide upral o Ermencia ko vakti e Otomansko Imperia si rasistikano.

Keribaja lafi anglal o membvria tari oleskiri partioa ki Ankara, o Erdogan vakergja kaj “ okola so trainen thaj si indiferentno ko buvljariba e rasizmeske thaj diskriminacia si došale so na šungje o pire taro fašizmi ki Europa”. Ov vakergja kaj ka len neve konsekvence mujal I Francija sebepi o ando kanoni thaj nane te čhinavel taro aktia.