Shutel
Pakavalen!!!
Bahtale sem so kho agor shaj te informirinatumen palo jekh bers eksperimentalno programa kho internet, amare programatar khi Telelvizija Shutel.
Oven saste pal tumari kondicija ko momentija kana sas aman tehnikane problemora pal amaro signali. Adava sas ko intereso te ovel tumen so majkvalitetno prezentacija. Akana kamaja te pakan amnege ci kho anglunipe naj te repetirinelpes.
Taro nakhlo vakti angaziringem amen so majbut te da tumen programe pal soste si tumen majbaro intereso te dikhen.Pal o ankete so kerga amaro kolegiumi tumencar angem decizija savi programaki shema te muka tumenge adaleja so ka nakhen majbaro vakti amarenacar. Akana sem sigurno ci ka ikera tumaro interso pal I Televizija Shutel.
Pakavel!
Javer drumo ci si amen. Si amen mandato te da tumen sig informacie save ka oven taro tumaro baro intereso, te da tumenge shajdiep so pobut te amlinkerentumen thaj te relaksirinatumen dji kana dhikena i programa taro TV Shutel. Tumen achola sal jekh. Te pheren tumare chonengoro, trine chonengoro, shove chonengoro ja palem jekhe bersheskoro pokibe. Pe adava AMEN palem angaziringem te, da tumen, em but kvalitetno striming, bizo te hasaren vakti-vrama kho adjikiribe te len o signali e Shuteleskoro.
E dikhutne save isi te pokinen shove chonenge thaj jekhe bersheske AMEN ka bicava lenge grates DVD taro Romane gilja save von kha mangen thaj doklumentarna filmija tari amari produkcija so shaj te dikhen ki amri Wep rig. E majtikne dikhutnen silen shajdipe te bajraren pumare fantazie ko chavorikane khelina bizo love ki amari Wep rig. E Roma save silen interso pal informacie taro sasto sumnal so ovela e Romencar, shaj bizo love te araken ki amri Wep rig non-stop (bizo agor vaktesko) andi Romani, Makedonsko thaj Anglikani chib. Te na bistra! E Roma save ka pokinen jekhe bersheske lenge si grates 10 bahtarina a shaj te muka len ki programa kana von ka roden.
Akaja stimulacija ka ovel pozitivno samo kana so duj riga, amen thaj tumen bare kondicijaja daja shansa te djal angle i Jekhto Romani Televizija kho internet. Babarbar te da shansa te sujnol o Romano glaso. Pakaja ci o budjeto savo trubul te pokinen pal o TV Shutel naj te ovel problemi tumenge, adaleja so amen 24 arija ka da tumen programa savi tumenge ka ovel ko merako. I Televizija Shutel ka ovel tumencar Vi kana ka ovel tumenge em but pharo thaj em but shukar (loshajme).
O Shutel si Tumencar, tumare jerija, amalencar thaj misafirencar.
Dikhen amen!